"घोव माझो भोळो"
..................शशिकांत गुरव
इटमना झाली जल्माची,
पदरात पडलो गुळो
घोव माझो भोळो,
तेच्यार शेजारणीचो डोळो
त्वांड कोणी धुवच्या आधी ,
शेजारीनं उभी दारात
दबक्या आवाजात हुनता ,
भावोजी आसत काय घरात?
होय आसय आसय हुनता ,
आमचो ह्यो खुळो
घोव माझो भोळो ,
तेच्यार शेजारणीचो डोळो
काम नसता कसला ,
तरी काम शोधुन काढतां
मुद्दाम मुद्दाम घोवाक माझ्या ,
आपल्या कडे वढतां
कोणाक माहीती घरात व्हरान,
कराता कसलो चाळो
घोव माझो भोळो ,
तेच्यार शेजारणीचो डोळो
तासातासाक येता मुरडत ,
बायवर भरुक पाणी
घोवाक माझ्या बघुन हुनता ,
जोरात जोरातं गाणी
मिया आपला दार ढापून ,
कानात घालतय बोळो
घोव माझो भोळो ,
तेच्यार शेजारणीचो डोळो
जेवाजेवा घोव माझो ,
परड्यात काम करता
तेवा शेजारीन आपलो पदर ,
हळुच बाजुक सारता
आपली उघडी कमार दाखवन ,
घोवाक लायता लळो
घोव माझो भोळो ,
तेच्यार शेजारणीचो डोळो
माका चोरुन घोवाक हुनता ,
भावोजी तुमी भारी
तुमच्या मनान तुमची बायल ,
व्हयी होती गोरी
गोऱ्या घोवाक माझ्या देवा ,
कर थोडो काळो
घोव माझो भोळो ,
तेच्यार शेजारणीचो डोळो
मिया आता घोवार बारीक ,
लक्ष ठेवन असतय
तो जिसर बसता तेच्या ,
बाजूक मिया बसतय
बघतय कसा पळयता बोडक्या ,
माझ्या कुंकवाचो टिळो
घोव माझो भोळो ,
तेच्यार शेजारणीचो डोळो
