दिवाळी मालवणी कविता

"अशीच एकदा दिवाळी इली"

          ....शशिकांत गुरव

अशीच एकदा दिवाळी इली
फक्त  कारटा फोडून साजरी केली

दिवाळेच्या आदि
सगळे यशीत जमले

राती नरकासूर करूया
हुनान बेत आखले

कोणी हाडले कपडे
कोणी हाडले गवताचे काडये

कोणी हाडल्यानी आपल्याच
बायलांचे फाटके साडये

सगळा कायता काटयेक
गुटाळून नरकासुर केल्यानी

लायटीच्या खांब्या कडे
व्हरान वटगुन ठेयल्यानी

रात जागाक व्हयी
हुनान पार्टी ठेयल्यानी

पार्टी खावन जाल्यार
सुस निजान दिल्यानी

खायलावटातल्या पोरांनी
हळूच  यवन बघल्यानी

आमी निजलेले बघून
नरकासूर आमचो चोरल्यानी

भिनभिनाक कोणाक तरी
वायच जाग  इली

उटा उटा आमचो
कोणी नरकासुर हेल्यानी

बोब तेची  ऐकान
सगळे तडातड उठले

डोळे फुसत फुसत
खांबा कडे जमले

पयलाडचे खायलावटातले
पोरगे  लागले नाचाक

नरकासुर  नाय हुनान
आमका लागले हसाक

आमी  आपले लाजेन
सगळा सोशीत होतू

पुरावो असलेलो तर
तेंची साला काढणा होतू

त्याच वर्षी आमची
अशीच गेली दिवाळी

फक्त खाल्लू पोहे
आणि वाकडी रताळी

सर्व मित्रांना दिवाळीच्या हार्दिक शुभेच्छा...!!